Конкурсы

ЗАЦВЕРДЖАНА

Загад начальніка галоўнага ўпраўлення па адукацыі Мінскага аблвыканкама

__________________ № _____

Састаў арганізацыйнага камітэта па правядзенні абласнога этапу рэспубліканскага конкурсу-турніру «Дзівосы краю майго» ў рамках рэспубліканскага грамадзянска-патрыятычнага праекта «Збяры Беларусь у сваім сэрцы»

ЗАЦВЕРДЖАНА

Загад начальніка галоўнага ўпраўлення па адукацыі Мінскага аблвыканкама

____________________№____

ПАЛАЖЭННЕ

аб правядзенні абласнога этапу рэспубліканскага конкурсу-турніру «Дзівосы краю майго» ў рамках рэспубліканскага грамадзянска-патрыятычнага праекта «Збяры Беларусь у сваім сэрцы»

1. Агульныя палажэнні

1.1. Дадзенае палажэнне вызначае парадак правядзення абласнога этапу рэспубліканскага грамадзянска-патрыятычнага праекту «Збяры Беларусь у сваім сэрцы» (далей – рэспубліканскі праект).

У 2024 годзе ў рамках рэспубліканскага праекта праводзіцца рэспубліканскі конкурс-турнір «Дзівосы краю майго» (далей – конкурс-турнір).

1.2. Арганізатарам абласнога этапу конкурсу-турніру з’яўляецца галоўнае ўпраўленне па адукацыі Мінскага аблвыканкама. Арганізацыйнае і метадычнае забеспячэнне ажыццяўляецца дзяржаўнай установай адукацыі «Мінскі абласны інстытут развіцця адукацыі».

2. Мэта і задачы абласнога этапу конкурсу-турніру.

Абласны этап конкурсу-турніру праводзіцца з мэтай фарміравання ў моладзі патрыятычных якасцей, паглыблення пачуцця любові да сваёй краіны праз далучэнне іх да даследавання жыцця і дзейнасці адметных асоб свайго краю, да пазнання гісторычнай, культурнай і прыроднай спадчыны малой радзімы.

Дасягненне пастаўленай мэты ажыццяўляецца праз рашэнне наступных задач:

масавае ўключэнне навучэнцаў у дзейнасць па даследаванні, вывучэнні, аднаўленні (адраджэнні) і выкарыстанні аб’ектаў «страчанай спадчыны»;

захаванне i выкарыстанне матэрыяльных і нематэрыяльных каштоўнасцей малой радзімы, распаўсюджванне інфармацыі аб іх і папулярызацыя на карысць iнтарэсаў грамадства;

даследаванне і папулярызацыя жыцця і дзейнасці выбітных асоб свайго краю;

выхаванне беражлівых адносін да гісторыі і культуры краю, адказнасці за захаванне культурна-гістарычнай спадчыны продкаў;

стварэнне іміджу рэгіёна як прывабнага турысцка-экскурсійнага і культурна-пазнавальнага аб’екта;

стварэнне ўмоў для раскрыцця пазнавальных і творчых здольнасцей навучэнцаў.

3. Удзельнікі абласнога этапу рэспубліканскага конкурсу-турніру

У абласным этапе конкурса-турніра прымаюць удзел навучэнцы аб’яднанняў па інтарэсах устаноў адукацыі ва ўзросце ад 14 гадоў.

4. Тэрмін рэалізацыі абласнога этапу конкурсу-турніру

Абласны этап конкурсу-турніру праводзіцца ў перыяд з 22.07.2024 па 31.10.2024 у тры этапы з вызначэннем пераможцаў і прызёраў:

першы этап – ва ўстановах адукацыі з 22.07.2024 па 16.08.2024;

другі этап – раённы (гарадскі) з 17.08.2024 па 13.09.2024;

трэці этап – абласны з 14.09.2024 па 25.10.2024.

5. Парадак правядзення абласнога этапу конкурсу-турніру

5.1. На першым (школьным) этапе абласнога этапу конкурсу-турніру навучэнцы аб’яднанняў па інтарэсах праводзяць краязнаўчыя даследаванні жыцця і дзейнасці выбітных асоб свайго краю, выяўляюць матэрыяльныя і нематэрыяльныя каштоўнасці сваёй малой радзімы, якія можна ўмоўна аднесці да «страчанай спадчыны» (не маюць яўнай праявы на сённяшні дзень).

Падчас даследаванняў удзельнікі конкурсу-турніру працуюць з архіўнымі дакументамі, матэрыяламі археалагічных даследаванняў, публікацыямі ў спецыяльных навуковых выданнях, матэрыяламі музеяў і г.д.

Аб’ектамі пільнай цікаўнасці ўдзельнікаў абласнога этапу конкурсу-турніру становяцца аб’екты «страчанай спадчыны», амаль забытыя ў народзе, ці зруйнаваныя часам і людзьмі.

«Страчанай спадчынай» можа быць нематэрыяльнае праяўленне творчасцi чалавека (звычаi, традыцыi, абрады, фальклор (вусная народная творчасць, легенды і паданні), традыцыйныя маўленчая культура, гаворка, змест геральдычных аб’ектаў, уласных геаграфічных назваў (тапонімаў) i інш.), а таксама створаныя чалавекам або цесна звязаныя з яго дзейнасцю матэрыяльныя аб’екты (помнікі гісторыі, прыроды, архітэктуры, археалогіі, горадабудаўнiцтва, мастацтва, дакументальныя помнікі і інш.). Аб’екты «страчанай спадчыны» павінны з’яўляцца аўтэнтычнымі і мець гiстарычнае, мастацкае, навуковае або iншае значэнне з пункту гледжання ўдзельніка конкурсу-турніру. Аб’ектам даследаванняў таксама з’яўляюцца малавядомыя, але выбітныя, па меркаваннях удзельнікаў абласнога этапу конкурсу-турніру, землякі, хто зрабіў свой унёсак у адметнасць дадзенага рэгіёна.

Па вынікам даследавання ствараецца брашура «Дзівосы краю майго», ў якой змяшчаецца матэрыял аб «топ-3» (па кожнай пазіцыі 3, усяго 9) аб’ектах «страчанай спадчыны» – найбольш значных матэрыяльных і наматэрыяльных каштоўнасцях малой радзімы, а таксама аб выбітных асобах свайго краю.

Брашура (pdf файл) уключае: тытульны ліст, інфармацыю аб аб’ектах, карту-схему з адзначанымі 9 адметнасцямі, спіс выкарыстаных крыніц. Інфармацыя аб аб’ектах павінна быць прадстаўлена лагічна ў адпаведнасці з наступнай структурай: месцазнагоджанне аб’екта, гістарычная даведка, знішчэння (поўнае ці частковае) аб’екта, ўнёсак «выбітных» асоб у культурнае і (або) духоўнае жыццё малой радзімы, ці ўплыў на ход гістарычнага развіцця краю (калі мае месца). Апісанне аб’ектаў дапаўняецца фотаздымкамі, схемамі, малюнкамі. Пры выкарыстанні літаратуры неабходна даваць спасылкі ў тэксце (калі матэрыял аўтарскі, то гэта таксама неабходна адзначыць). Інфармацыя аб адным аб’екце павінна займаць не больш 2 старонак.

5.2. На другім (раённым/гарадскім) этапе абласнога этапу конкурсу-турніру ацэньваюцца брашуры дасланыя ўстановамі адукацыі. Ад кожнага раёна вызначаецца 1 пераможца.

У трэцім этапе абласнога этапу конкурсу-турніру ўдзельнічае адзін пераможца раённага этапу.

Крытэрыі ацэнкі брашуры:

лагічнасць і змястоўнасць прадстаўленай інфармацыі аб аб’екце;

значнасць аб’екта для сваёй мясцовасці (ці раёна);

крэатыўнасць афармлення;

самастойнасць у зборы і аналізе матэрыялу;

наяўнасць спасылак на крыніцы.

5.3. Пратаколы пасяджэння журы з указаннем колькаснага аналізу ўдзельнікаў раённага этапу конкурсу-турніру, 1 брашуру пераможцы раённага этапу, заяўку на ўдзел (дадатак) дасылаюцца на абласны этап да 16.09.2024 (у электронным варыянце) на e-mail: cvir@moiro.by (аддзел суправаджэння патрыятычнага i экалагiчнага выхавання для Дубаневіч Д.А.). Тэлефон для даведак: 80172705727.

5.4. На трэцім (заключным) этапе абласнога этапу конкурсу-турніру дзяржаўнай установай адукацыі «Мінскі дзяржаўны інстытут развіцця адукацыі» (далей – інстытут) распрацаваныя брашуры кожнага пераможцы другога (раённага) этапу для знаёмства з імі ўдзельнікаў будуць размешчаны на сайце інстытута.

У вызначаны час праводзіцца краязнаўчая віктарына, якая распрацавана на падставе матэрыялаў брашур.

Для падрыхтоўкі вучняў да ўдзелу ў віктарыне напярэдні (за 1,5-2 тыдні) на сайце інстытута (https://moiro.by/) змяшчаюцца брашуры ўдзельнікаў дадзенага этапу.

Па выніках віктарыны 5 навучэнцаў, якія набралі вышэйшы бал, адбіраюцца для ўдзелу ў рэспубліканскім этапе конкурса-турніра.

5.4. Аўтары, удзельнікі конкурсу, даюць згоду арганізатарам на публікацыю сваіх работ, публічную дэманстрацыю і некамерцыйнае выкарыстанне матэрыялаў (з захаваннем аўтарскіх правоў) з мэтай папулярызацыі рэспубліканскага праекта.

5.5. Падвядзенне вынікаў абласного этапу рэспубліканскага конкурсу-турніру

Пераможцы і прызёры абласнога этапу конкурсу-турніру ўзнагароджваюцца дыпломамі галоўнага ўпраўлення па адукацыі Мінаблвыканкама.

6. Арганізацыйныя камітэты

Для арганізацыі і правядзення абласнога этапу конкурсу-турніру на кожным этапе ствараюцца арганізацыйныя камітэты (далей ‒ аргкамітэты).

Аргкамітэт кожнага этапу:

забяспечвае арганізацыйнае і метадычнае суправаджэнне конкурсу-турніру;

даводзіць інфармацыю аб конкурсе-турніры да ведама ўстаноў адукацыі;

ажыццяўляе персанальны падбор складу журы конкурсу-турніру;

аналізуе і абагульняе вынікі конкурсу-турніру;

асвятляе ход падрыхтоўкі, правядзення і вынікі конкурсу-турніру ў сродках масавай інфармацыі.

Арганізацыйнае правядзенне абласнога этапу конкурсу-турніру забяспечваюць:

на першым этапе – установы адукацыі;

на другім этапе – структурныя падраздзяленні гарадскіх, раённых выканаўчых камітэтаў, мясцовых адміністрацый раёнаў у гарадах, якія ажыццяўляюць дзяржаўна-ўладныя паўнамоцтвы ў сферы адукацыі;

на трэцім этапе – структурныя падраздзяленні Мінскага абласнога выканаўчага камітэта, якія ажыццяўляюць дзяржаўна-ўладныя паўнамоцтвы ў сферы адукацыі.

Для падвядзення вынікаў абласнога этапу конкурсу-турніру на кожным этапе аргкамітэтам ствараецца журы.

Журы на ўсіх этапах конкурсу-турніру:

ацэньвае праекты, якія прадстаўлены ўстановамі адукацыі;

вызначае пераможцаў і прызёраў адпаведных этапаў конкурсу-турніру;

прадстаўляе рашэнні (пратаколы) па выніках конкурсу-турніру і іншую неабходную інфармацыю ў адпаведныя аргкамітэты.

7. Фінансаванне абласнога этапу конкурсу-турніру

Фінансаванне абласнога этапу конкурсу-турніру ажыццяўляецца:

на першым этапе – установай адукацыі;

на другім этапе – за кошт раённых, г. Жодзіна бюджэтаў, прадугледжаных на правядзенне мерапрыемстваў;

на трэцім этапе – за кошт сродкаў абласнога бюджэта, прадугледжаных на правядзенне мерапрыемстваў.

Для фінансавання абласнога этапу конкурсу-турніру на ўсіх этапах могуць быць выкарыстаны іншыя крыніцы, не забароненыя заканадаўствам Рэспубліка Беларусь.

Дадатак

Заяўка на ўдзел у абласным этапе

рэспубліканскага конкурсу-турніру «Дзівосы краю майго»

ў рамках рэспубліканскага грамадзянска-патрыятычнага праекта «Збяры Беларусь у сваім сэрцы»

______________раёна (г. Жодзіна),

____________________ установы абласнога падпарадкавання