Тыдзень роднай мовы
26.09.2022
Назва мерапрыемства |
Тэрмін правядзення |
Кароткая інфармацыя пра мерапрыемства |
Урачыстае адкрыццё Тыдня беларускай мовы |
19.09.2022 |
Урачыстае адкрыццё адбылося на агульнашкольнай лінейцы, дзе прысутныя азнаёміліся з планам правядзення Тыдня беларускай мовы. На ўваходзе ў школу вучняў і настаўнікаў сустракалі дзяўчаткі, апранутыя ў нацыянальныя касцюмы, у вяночках з васількоў. Яны віталі ўсіх і зычылі добрага дня, а таксама ўручалі эмблемы “Я люблю беларускую мову”.
|
Вясёлы перапынак. Беларускія народныя гульні, прыпеўкі, флэшмоб |
19.09.2022 |
На перапынках вучні ўдзельнічалі ў конкурсе прыпевак “Дзяўчынкі-весялушкі”, знаёміліся з беларускімі народнымі гульнямі, а самае вялікае ўражанне пакінуў флэшмоб “Я люблю Беларусь”.
|
Забаўляльная віктарына “Адгадай слова-атрымай падарунак” |
20.09.2022 |
Вучні 11 класа наведаліся ў госці да вучняў 5-х класаў і ў гульнёвай форме правялі віктарыну. Былі прапанаваны прадметы, назвы якіх вучні павінны былі агучыць па-беларуску. Хто правільна называў, той атрымліваў прадмет у падарунак.
|
Квэст-гульня “Фальклор, фальклор-душа народа” |
20.09.2022
|
Настаўніцай Губарэвіч І.А. была распрацавана і праведзена квэст- гульня, дзе вучні 8-ых класаў ў поўнай меры маглі раскрыць свае творчыя здольнасці, артыстызм, праявіць цікавасць да вывучэння беларускай народнай творчасці і этнаграфіі, пашырыць кругагляд.
|
Забаўляльна-пазнаваўчы праект “Музей у чамадане” |
21.09.2022 |
Вучні разам з настаўніцай Нікіцінай А.А. удзельнічалі ў забаўляльна-пазнаваўчым праекце “ Музей у чамадане”, дзе шасцікласнікі пазнаёмілі вучняў пачатковых класаў з прадметамі побыту нашых продкаў.
|
Конкурсная праграма “Самы шчыры беларус” |
21.09.2022 |
Настаўніца Кірыльчык Н.І. з вучнямі 6-ых класаў здзейсніла цікавае падарожжа ў гістарычнае мінулае нашай краіны. У займальнай форме вучням былі прапанаваны заданні па мовазнаўстве, гісторыі, культуры Беларусі, што спрыяла фарміраванню матывацыі вучняў да навучання беларускай мове.
|
Акцыя “Чытаем Максіма Танка разам” |
22.09.2022 |
Акцыя была арганізавана з нагоды святкавання стагадовага юбілею выдатнага беларускага паэта Максіма Танка.У школьнай бібліятэцы была арганізавана кніжная выстава. Вучні мелі магчымасць пазнаёміцца з жыццём і творчасцю паэта, пачытаць і паслухаць яго вершы.
|
Конкурс знатакоў мовы “Знайдзі памылкі ў тэксце” |
22.09.2022 |
Вучням 9-х класаў было прапанавана знайсці памылкі ў тэксце “Адкуль паходзіць беларускае слова”. Хто знайшоў усе арфаграфічныя памылкі, той і стаў пераможцам.
|
Урок мужнасці “Якога колеру вайна” |
22.09.2022 |
Настаўніца Нікіціна А.А. правяла ўрок мужнасці ў 11-ым класе “Якога колеру вайна”, тым самым пашырыла веды навучэнцаў пра літаратуру, прысвечаную Вялікай Айчыннай вайне, пра пісьменнікаў-франтавікоў. Бібліятэкар Тузенкова С.К. арганізавала кніжную выставу па дадзенай тэме.
|
Наведванне краязнаўчага музея |
24.09.2022 |
Навучэнцы 5-х класаў разам з класнымі кіраўнікамі наведалі краязнаўчы музей. Яны пазнаёміліся з экспазіцыяй музея і праслухалі лекцыю па тэме “Будучае нацыі ў адзінстве народа”.
|
Вясёлы перапынак. Беларускія мультфільмы “Як Несцерка скарб знайшоў” |
23.09.2022 |
На перапынках у фае школы быў арганізаваны прагляд мультфільмаў на беларускай мове. Па заканчэнні вучням было прапанавана перакласці на беларускую мову і агучыць вядомыя рускія мультфільмы.
|
Анлайн-акцыя “Натхнёныя Бацькаўшчынай” |
На працягу тыдня |
Вучні 9-11 класаў стваралі відэасюжэты пра знакамітых землякоў і размяшчалі іх ў сацыяльных сетках.Такім чынам інфармацыя станавілася даступнай шырокаму колу гледачоў.
|
Інтэрактыў “Вокладка любімай кнігі” |
На працягу тыдня Прадстаўленне работ 23.09.2022 |
Вучні 5-7 класаў стваралі вокладку любімай кнігі і ў творчай форме прадстаўлялі яе. Такая форма работы спрыяла развіццю вуснага маўлення навучэнцаў.
|
Праект “Не маўчы па-беларуску” |
На працягу тыдня |
Навучэнцам школы былі прапанаваны тэматычныя групы слоў. Яны павінны былі намаляваць прадметы і падпісаць іх па-беларуску. Візуалізацыя спрыяла хуткаму запамінанню дадзеных слоў.
|